Handlekraft innan berekraft

Havila Biogass leverer nullutsleppsenergi til industrien - no.

Sirkulærøkonomi og verdiskaping

Vi leverer rein, grøn energi utan utslepp. Vi gjer det no og vi gjer det i ein skala tilpassa industrien som kundar.

Infrastrukturen vår er nær, solid og bygd på utprøvde system.

Vi tek avfall inn i ein sirkulærøkonomi der vi skaper ny verdi og skaparkraft gjennom effektiv bruk av naturressursar.

Havila

Havilagruppa har erfaring sidan 1950-talet med å utvikle industri, teknologi og arbeidsplassar langs norskekysten.

Med solid forankring og mot til å satse har Sævik-familien skapt verdiar på mange felt.

No bruker dei erfaringane sine som industribyggarar inn i sirkulærøkonomien, og bygger eit nettverk av biogassanlegg som produserer nullutslepps-energi til næringslivet.

På 50-talet fekk Sævik-familien sin første eigne fiskebåt. Utover 60- og 70-talet utvida og utvikla familien med fleire og større fartøy.
Det vart starten på eit konsern med aktivitet innan ei lang rekke segment som eigedom, offshore og skipsteknologi, reiseliv - og no; energi.
På 80-talet tok Per Sævik kompetansen frå det å drive fiskebåtrederi over i offshore-rederiet Sævik Supply. Selskapet vaks til å bli det nest største offshore-rederiet i Norge før det vart kjøpt av amerikanske Trico Supply. Men familien bygger opp nok eit reiarlag; Havila Supply, før det også blir kjøpt. Det vart starten på Havila Shipping, dagens offshore-rederi. På denne vegen har Havilagruppa også vore verftseigarar og er framleis eigarar i skipsteknologiselskapet Hav Group.
Havila si satsing på reiseliv starta gjennom kjentfolk på Færøyane. Det gav eigarskap i Smyril Line. På øygruppa i vest vart ein også eigar av Hotel Hafnia i Torshavn. Det vart begynnelsen på Havila Hotels der Havilagruppa no har to hotell på Færøyane, hotell i Geiranger, Grodås og Ørsta i tillegg til ein solid part i eigarselskapet for Thon Hotel Fosnavåg.
Den største enkeltsatsinga har kome i Havila Kystruten, som driv fire, nye passasjerskip på den tradisjonsrike hurtigruta langs kysten mellom Bergen og Kirkenes.
Namnet er henta frå Første Mosebok. Der står det om landet ved Edens hage som heiter Havila. Det er landet der gullet er godt, og namnet fortel om ei målsetning om at ein skal skape godt gull, ikkje gull som øydelegg verken familie og familieforhold.
Logoen til Havila er ein pullert. Det fortel om forankring. Men også at her kastar ein loss. Det er starten på nye eventyr. Nye mulegheiter. Og i midten av pullerten er det gull. Det gode gullet.